Dysgwch fwy am ein digwyddiadau a gweminarau sydd ar ddod, a sut y gallwch chi gofrestru, ar y dudalen hon. Am restr o ddigwyddiadau’r gorffennol, ewch i’n harchif.
Gweminar: Safbwyntiau proffesiynol ar ddefnyddio Storfa Ddiogelu Cymru
Mae Storfa Ddiogelu Cymru yn storfa ddigidol o adolygiadau diogelu o Gymru. Yn hanesyddol, roedd adolygiadau diogelu yng Nghymru yn dod o dan brosesau ar wahân yn dibynnu ar y math o ddioddefwr neu droseddwr, er enghraifft, Adolygiadau Ymarfer Plant, Adolygiadau Ymarfer Oedolion, Adolygiadau Llofruddiaeth Domestig, ac Adolygiadau Llofruddiaeth Iechyd Meddwl. Fodd bynnag, roedd yr adolygiadau hyn yn aml yn cynnwys themâu cyffredin ac weithiau cynhaliwyd sawl adolygiad ar gyfer un digwyddiad. Mewn ymateb i hyn, dechreuodd Llywodraeth Cymru’r Adolygiad Diogelu Unedig Sengl (SUSR), sy’n cwmpasu pob categori o adolygiad diogelu. Mae Canllawiau Statudol yr SUSR yn tynnu sylw at y ffaith y dylai gweithwyr proffesiynol gael mynediad at Storfa Ddiogelu Cymru i gael gwybodaeth berthnasol ym mhob cam o'r broses SUSR. Mae'r weminar hon yn rhoi cyfle i ddysgu sut mae'r system adolygu diogelu gymharol newydd hon yn gweithio'n ymarferol, gan dynnu ar fewnwelediadau proffesiynol gan Gadeirydd ac Adolygydd SUSR profiadol ac arweinydd academaidd Storfa Ddiogelu Cymru. Bydd enghreifftiau o SUSRau diweddar yn dangos sut mae Storfa Ddiogelu Cymru yn hwyluso adolygiadau o ansawdd uwch ac argymhellion mwy cadarn.
Ar-lein, Teams
13:00
- 08/12/2026
Eiriolaeth Rhieni mewn Gwasanaethau Amddiffyn Plant yn Lloegr
Bydd y seminar hon yn cyflwyno canfyddiadau'r gwerthusiad realistig cyntaf ar raddfa fawr o eiriolaeth rhieni yn Lloegr.
Ar-lein, Teams
12:00
- 02/12/2026
Sut gallwn ni manteisio ar bŵer Modelau Iaith Mawr er budd plant a theuluoedd?
Mae'r gweminar hwn yn dadlau na ddylen ni ofyn “A allwn ni ddefnyddio Modelau Iaith Mawr ym maes gofal cymdeithasol?”, ond yn hytrach “Sut gallwn ni wneud i Fodelau Iaith Mawr weithio ar gyfer gofal cymdeithasol, mewn ffordd gyfrifol, ddefnyddiol ac sy'n adlewyrchu cymhlethdod y gwaith?”.
Ar-lein, Teams
13:00
- 24/11/2026
Mae ExChange Wales yn dod ag ymchwilwyr blaenllaw, ymarferwyr a defnyddwyr gwasanaeth ynghyd i rannu arbenigedd, tystiolaeth ymchwil a phrofiadau o ofal.
Trwy ein cynadleddau, gweithdai, darlithoedd a seminarau, mae ExChange yn darparu hyfforddiant o ansawdd uchel am ddim i gefnogi datblygiad parhaus gweithwyr proffesiynol gofal cymdeithasol ledled Cymru. Wrth ddenu siaradwyr cenedlaethol blaenllaw, rydym yn dysgu ac yn cynghori ymchwil sy’n effeithio polisi ac ymarfer. Mae ein digwyddiadau a’n hadnoddau yn cyfoethogi sgiliau wrth flaenori profiadau llaw gyntaf pobl â phrofiad o ofal.
Mae ystod o ffyrdd y gallwch chi weithio gydag ExChange. Os ydych chi am gynnal gweithdy ExChange, gweminar, podlediad neu flog, cysylltwch â ni.
Cymerwch olwg ar ein cynhadledd ddiweddaraf.
Cynhadledd Gofalwyr Anffurfiol 2026
Mae gofalwyr ‘anffurfiol’ yn bobl sy’n gofalu am berthnasau, ffrindiau neu eraill mewn swyddogaeth ddi-dâl neu heb gefnogaeth. Maent yn rhychwantu cwrs bywyd ac yn cynnwys gofalwyr ifanc, gofalwyr anffurfiol sy’n berthnasau i blant a phobl ifanc, ac oedolion sy’n…
